CHUTI RIKÁ NOKIBOA JAPI RIKÁ CRISTO
Aʼlá ané echi pagótami piri namuti chati ju japi Jeobá ke kalé
Jeobá ko ané echi pagótami japi chu iyiri namuti ke kalé. Tasi nakí japi bilecho yúa nasawima ke echi panérali nísaká (1Co 6:9, 10, TNM). Jeobá bachá niwítili echi rijowi alí mukí yúa jéaneli japi sinibí okuaka pirélima (Mt 19:4-6, 9). Ayénachó Jeobá jéaní japi ti we aʼlárka simárika járipo jiti jarecho pagótami machimea japi ta Jeobá nijéwami ju (Dt 22:5; 1Ti 2:9, 10).
Jipi ko wiká pagótami tasi nijéwinili japi Jeobá nulá (Ro 1:18-32). Echi pagótami ko pe chuwé napáchami ju japi riká aboni nakí ayénachó we cha nokáami ju. We mi niraa nili chati namuti nokiyá kawélika jéané echi pagótami chúsiá ke cho chati nokáami ju japi riká echi (1Pe 4:3, 4).
Echi testigo Jeobá ko ruyesia simía echi pagótami japi piri namuti chati ke kalea Jeobá (Ro 12:9). ¿Chuti riká nokiboa? Aʼlá riwiika yúa raʼichabo echi pagótami japalí ta bineria jari alí néwariwélitalé japi tamujé ko ke chati noká japi Jeobá kichí. Nárika isí: “¿Achi ni napáchami ju japi riká Jeobá nakí o wechi ko ni napáchami juá pe chuwé japi riká echi pagótami ke nijéwami? ¿Acha ni japi riká bilé testigo Jeobá karé?”. Japalí ni iné televisión chu nokáami ju japi buyaní echoná, achi nakí Jeobá japi ni inema, chati nisa japi mi iné kilipi niraa mi ku isísimalé riwea Jeobá (Sl 101:3). ¿Chu nílimalé nijé téemala o jarecho ma chati ni inesa?” (1Co 10:31-33).
¿Chúsiá we natéami ju aʼlá anewa echi pagótami piri namuti chati ju japi Jeobá ke kalé? Jiti ta machí japi Jesucristo ma mulipi suwábima japi chati nokáami ju. Pirélima bi japi a nijéwami ju Onorúami (Eze 9:4-7; 1Jn 2:15-17). We nokiboa bineria echi pagótami jiti machimea piri namuti ke kalé Jeobá, jiti inema japi tamuje ko ke chati nokáami ju ayénachó si nijéwami nima (1Pe 2:11, 12, TNM).
Japi ni riká napáchami ju ¿achi newaré japi ni Jeobá nijewi?
MA INESA ECHI VIDEO JÉANIAMI: HAZTE AMIGO DE JEHOVÁ UN HOMBRE Y UNA MUJER, ANISÍ JAPI TI MI NÁRIPORÉ JENAʼÍ:
¿Chusiá aʼlá ju nijewa japi Jeobá nulá?
Japi kúchuwami ju ¿chúsiá aʼlá ruyésaré echi kuuchi piri namuti chati ju japi Jeobá ke kalé?
¿Piri ta nokínala nulewi tamujé sinéami alí echi kuuchi jiti echi pagótami si sinibí pirélima jenaʼí Wichimóbachi?