“Bachá niráa ku simigá ku katéwaga ganílama echi auché bilé rijói yuwa mapu mi we sayera”

To natabo japi mi echomí Galilea bitéami ju, japi echoná si bité Jesús. Ami si simí Jerusalén mi nirúachi omáwili. Wiká país piréami si echoná si omowasia japi Jeobá cho bichíwiami ju. Jaré namuti iyabia si Jeobá echoná. We rijowa wilí echomí ayé jaré ko chibi iyiri namuti banisuka si. Mujé ko nawayá echoná templo ritiwá japi wiká pagótami chapiká jawi jaré namuti Jeobá iyabo ruyá. Jipi ko ma mujé iyámaré chiva. Ma iyamia echi sacerdote ami newalaka ikí japi mujé ko bilé kichí japi si nawali. Alí mujé ko ma machí japi Jesús mi ruyé japi chu mi isima japalí echi riká nisa (leeri Mateo 5:24). ¿Chu mi isima jiti mi ma ke che iyoa bitélima echi hermano yúa? ¿Ami nijéwisaká japi Jesús nulali? Jenaʼí palomita uché japi respuesta ju.

¿CHU NI ISÍMALÉ?

• Achi ni yúa raʼichasia simere echi hermano aní machisáaká japi ni yúa iyoli, wechi ko ni pe echi riká bi isisa yúa raʼichasia simea ko jiti ni iyoli echi hermano yúa.

• Wechi ko ni jéanemiré japi cha isíami ju, japi sapú iyóami ju, japi echi iyiri nili japi bachá iyoli tamí yúa.

• Wechi ko ni kilí asimea ko ipúa japalí raʼíchachi, jiti né suláchi jona aʼmónampa echanesa alí wikáwili tánima.

¿PIRI ISÍMALÉ ECHI HERMANO?

• Wechi ko mi ruyema ko japi mi olali, jiti mi kuʼírima echi hermanos.

• Wechi ko mi ruyema ko suwaba japi ikili, wechi ko mi natama ko suwaba echi namuti japi mi olali, jiti mi anema japi echi iyiri nili.

• Wechi ko mi natama ko japi echi ke niráami nili, jiti akaréwika mi ku yúa raʼíchali, wechi ko mi né suláchi jonsa ku wikáwima ko.

Jipi ko ma ke nokiwá japi riká chabé, tasi to namuti chiliwebo ruyá Onorúami, ¿piri nulali Jesús japi nokiboa ata Jeobá amígowala nínalaká?