¿Chúsiá Jeobá anili japi Abrán alí Sarái ma ke echi riká riwéami nima?

17:1, 3-5, 15, 16

Jeobá ko ineli japi Abrán we aʼlá isíami nili. Aneli japi echi kúchuwala wiká muwésima alí narema kalabé namuti, echalí jonsa Jeobá ko ma anili japi Abrán alí Sarái bilecho rewalá olama.

Echi rewalá Abrahán ko aniwáami nili japi echi ko onolá nima riweili wiká pagótami alí Sara rewalá ko aniwáami nili “princesa”, bilé silíami malala, jiti echi kúchuwala nuláami nima riweili.

• 

  Abrahán

  “Onolá japi wiká kúchuwami ju”

• 

  Sara

  “Princesa”

Jipi rawé tamujé ke omero olayá bilecho rewalá japi riká Jeobá isili Abrahán alí Sara yúa, nalí be ata aʼlá nokáami nísakó echi ko we natéami ju, alí Jeobá we kanílima tamujé yúa. Natabo:

• ¿Piri ka ni isísaré jiti Jeobá inema japi nijé we aʼlá isíami ju?

• ¿Ani we iʼwérili isimí jiti ni we aʼláala isíiami nima japi riká Jeobá nakí?