“Waminá ariwesi echi dioses japi ke bichíwali ju”

Japalí Jacob biteili kecho niruili bilé nulalíwami japoná aniyé japi ke bichíwisaré jarecho dioses ke bichíwali, nalí echi ko machiyé japi Jeobá bi nijéwisaré (Éx 20:3-5). Jiti bela japalí Jeobá nuleli Jacob japi simea echomí Betel, echi ko aneli sinéami téemala japi waminá riwema echi namuti japi amachíkili. Alí biché Jacob joka chinásili suwaba echi namuti japi riká wiʼlá alí jarecho si namuti japi jitra amachíkili (Gé 35:1-4). Jeobá ko we galeli japi isili Jacob.

Jipi ru, ¿chúriká ta nokiboa jiti Jeobá bi nijéwipo? Ke ta nokiboa echi namuti japi espiritismo ju japi riká sipabúwami, sukurúami alí jarecho si namuti cha nokáami. Ke olásaré alí miná awásaré echi namuti japi echi jitra buyaní alí kecho inepo echi namuti. Ata natásaré: “¿Achi ni leeri libros o iné películas japoná buyaní vampiros, zombis alí jarecho si namuti? ¿Ani kanili riʼea o inea echi namuti japoná nirú magia alí hechizos japi ni nata japi ke chati ju?”. Jeobá ko we kichí echi namuti jiti la tamujé ayénachó ta kichísaré suwaba echi chati namuti (Sl 97:10).

INEPO ECHI VIDEO “KE TASI NOKIBOA JAPI ECHI DIABLO NAKÍ”, ANISÍ JAPI TIMÍ NÁRIPORÉ JENAʼÍ:

• 

  ¿Piri ikí bilé mukí japi Biblia biné Palesa riwéami?

• 

  ¿Chúsiá raʼichásaré echi ancianos yúa japalí tamujé o japi ta yúa biné nokali alí olá echi namuti japi espiritismo níwala ju?

• 

  A ta nakiyaka japi Jeobá tamó tibuma, ¿piri ke ta olabo?

• ¿Piri isili Palesa?

• ¿Piri namuti japi espiritismo ju nirú japoná mi bité? ¿Piri mi isísaré jiti ke echi riká cho isima?