Sinibí binéripo echi pagótami: Nawisá echonachi portero eléctrico o interfono

CHÚSIÁ WE NATÉAMI JU. Jiti we nirúampá pagótami chati jiti bela echi pagótami ko nee echi tecnología jiti nirúlima cámaras o interfonos ma japoná piré. Ati majaa níliporé nawesa jawa echi pagótami yúa jiti inea uchuwi, jiti tamujé ko ke ritiwá. Jenaʼí mi machimea chúriká mi isima nawesa nirúlisa cámara o interfono ma jiti mi ke majama.

CHUMI ISIMA

• Wiká pagótami ko uchuchi cámara o interfono ma, echi ko a raʼichánili tamó yúa.

• Ati mi ané japi jaré cámaras grabarisimí ke mi cho nawáachi japoná chukú timbre, echi pagótami ko ipúa jámiré o ineama mo nawáachi yéwichi.

• Japalí a contestarsa, raʼichá japi riká ko mi mulipi yúa raʼicha. Aní japi mi riká yúa raʼicha bilé japalí mi nawesa iyena. Cámara nirúlisa ka kiti me mulipi machini. Ke contestarsaká kiti riwé mensaje.

• Ma mi sunisa raʼicha echi yúa, ama mi inea wiliméeré o ipúa ma.