Emi niwíkami aʼlá tibuka nokisí

Jeobá ko we natéami niraa iné japi riká echi niwíkami okuaka katúwika anili japi sinibí napawika pirélima alí aní japi ke ku rojama (Mt 19:5, 6). Wiká niwíkami nirú testigo Jeobá japi we kaníliami ju. Ke nirú niwíkami japi aʼlá nokáami ju, jiti la, ayena a olá problemas, nalí echi riká nísakó ke natásaré japi ku rojasa kanilia pirélima. ¿Chu nokimea echi niwíkami jiti ke ku rojama?

Jenaʼí mi machimea.

1. Kiti chati natá, ke cho baʼori japi ke mujé upila ju o kunala ma, alí kiti iné japoná buyaní nasawíami. Ke nokisare na namuti jiti ke ku rojama (Mt 5:28; 2Pe 2:14).

2. Emi niwíkami, we aʼlá amigos nisi Jeobá yúa alí iʼwérika nokisí nijewia japi Jeobá mi nulé (Sl 97:10).

3. We natéami ju japi aminabi jiwérika alabé oláami nipo. Emi niwíkami simá nokáami nisi okuaka jiti timí kanílika pirélipo (Col 3:8-10, 12-14).

4. Aʼlá raʼichasi okuaka alí aʼlá riwiika (Col 4:6).

5. Aʼlá nakisí okuaka alí ke ichibi olá japalí nasawía (1Co 7:3, 4; 10:24).

Japalí echi niwíkami aʼlá riwiika noká, newaré japi aʼlá riwiwi Jeobá jiti echi ko napabuli.

INEPO ECHI VIDEO AMINABI A MAKÁ, KE RISII: JÚMAPA WE AʼLÁ NIJÉWISIA MAPU REKÁ NULÁ, ANÍ JAPI MI NÁRIPORÉ JENAʼÍ:

• 

  Echi niwíkami tákoré ne kulí ko ke naʼawi, ¿piri problemas olama?

• 

  ¿Chu iyiri textos iʼwírima echi niwíkami ma ke nakisáaká okuaka?

• 

  ¿Piri nokínilia nulé Jeobá echi niwíkami?

• ¿Piri ka isima echi upéami alí kunéami jiti kanílima okuaka?