¿Ami ma machí piri mi newalémaré japalí ma sébachi Conmemoración?

Japalí kecho mukuyé Jesús omowama riké Pascua kaachi alí we natéami nima riweili echalí. Jiti machiyé japi ma mukumea, Jesús ko koʼali echi apóstoles yúa jéaneli japi echi riká nokimea jiti echi jitra natama jiti echalí jonsa newalama japalí mukuli Jesús. Jesús ko júali Pedro alí Juan jiti aʼlárika wilama japoná Pascua nima (Lu 22:7-13; iné echi bachá dibujo japi chukú jena oselí). Ata newaláriwa japi ta ma aʼláripo japoná nima Conmemoración 27 inárachi marzo. Echi hermanos ma machimea jepi ka nawisama, chúriká nokimea jiti olama echi pan alí echi vino alí jarecho si namuti. ¿Piri ka ti nokisare aʼlá kecho sebáchi Conmemoración?

Bachá binésaré Conmemoración kaachi. Natabo japi ta leeri lectura Bíblica para La Conmemoración. Ami riwimea bilé programa echi folleto Examinemos las Escrituras todos los días. Ayénachó nirú programa apéndice B12-A alí B12-B de La Biblia. Traducción del Nuevo Mundo alí Oselí japi binepo echoná napawíliwachi abril 2020. Ami binénalaká mujé téemala yúa echoná bitichí japi we natéami ju japi Jesús mukuli ami che machimea japi aní Índice de las publicaciones Watch Tower alí ayénachó Guía de estudio para los testigos de Jehová.

Jarecho bayepo. Simabo nawesasia japalí nirúachi campaña japi nijibo invitación jiti simama Conmemoración. ¿Jépuká ta bayésaré? Echi pagótami yúa japi ta raʼicha Biblia jitra, japi chabé bineli achó, tamujé téemala alí japi ta machí. Echi ancianos ko bayema echi hermanos japi ma ke napawí alí japi ma ke nawesa chabé jonsa. Japi mujé bayénali we miká bitéami nisa, mujé áasaré chúrikó alí kumi napawima Conmemoración kaachi, bakí jw.org alí clic nawí MACHÍ JAPI TA NOKÁ alí aa “Natáboré”.

¿Piri mi si isísaré?