Aa amigos japi ke cha nokáami ju

Ata biné japi ta ke chati nokiboa japi riká nokali echi israelitas echomí llanuras de Moab (1Co 10:6, 8, 11). Echi israelitas ko napawili moabitas yúa, echi mukí japi we loʼwíami nili alí ayénachó bichíwami nili jarecho dioses. Echi rarámuli israelitas cha nokali echi mukí yúa, alí japi chati nokali suwili (Nú 25:9). Jipi, ata napawí echi pagótami yúa japoná ta nocha, escuela, vecinos, téemala alí japi ta machí; alí suwaba echi ke nijéwami ju Jeobá. Japi aní jenaʼí Biblia, ¿chúsiá ke amigos nísaré echi pagótami yúa?

MA INESA ECHI VIDEO JAPI CHATI NOKALI BINEPO JITI KE ECHI RIKÁ NOKIBOA (FRAGMENTO), ANÍ JAPI TI MI NÁRIPORÉ JENAʼÍ:

• 

  ¿Chu aneli Zimrí alí jarecho si echi Jamín japi ke aʼlá nili?

• 

  Echi Finehás, ¿piri ka busuré iyali Jamín jiti aʼlá natama?

• ¿Achi chati ju aʼlá nokáami niwa echi pagótami yúa japi ke nijéwami ju Jeobá? ¿Chúsiá ke aʼlá nima amigo niwa echi yúa? Alí ruyé.

• ¿Chu nokáami hermanos mi yúa napawísaré echoná congregación?

• ¿Chúsiá mi ke néesaré internet yúa raʼicha echi pagótami japi mi ke machí?