CHUTI RIKÁ NOKIBOA JAPI RIKÁ CRISTO
¿Piri ta biné echi Samuel jitra?
Samuel ko sinibí nijéwili Jeobá. Japalí towí nili echi ko ke isili japi riká nokali Elí kúchuwala, Hofní alí Finehás, japi we chati nokáami nili (1Sa 2:22-26). Samuel ko Jeobá nijéwika ochérili alí Jeobá ko sinibí iʼwírili (1Sa 3:19). Alí, japalí ochérami nili, ke riweli nijewia Jeobá tákoré echi kúchuwala ke echi riká nokali (1Sa 8:1-5).
¿Piri ta biné Samuel jitra? Echi kúruwi alí tiwé bichíwisaré japi Jeobá we aʼlá machí suwaba namuti japi ikí. Jeobá ko iʼwírima japi ke majáami nima (Is 41:10, 13). Echi wénwala japi olá kúchuwala japi ma riweli Jeobá nijewia, a natásaré japi riká ikili Samuel, echi ko ke iʼwérili aneli echi kúchuwala japi checho ku Jeobá nijéwima. Echi ko suwaba Jeobá ruyeli japi ikili, sinibí nijéwami nili alí kanílitili Jeobá. Echi wénwala ke riwésaká Jeobá nijewia, a keʼré japi echi kúchuwala a ku mulíwinalima Jeobá.
INEPO ECHI VIDEO BINEPO ECHI JITRA: SAMUEL, ALÍ ANISÍ JAPI TI MI NÁRIPORÉ JENAʼÍ:
Japalí towí nili, ¿chúriká newa isili Samuel japi ke majáami nili?
¿Chúriká newa isili Dany japi ke majali?
Japi riká isili Samuel ma ochérami ka, ¿piri ta biné?
Jeobá ko sinibí iʼwiri echi japi a nijéwami ju.
¿Chúriká nokali Dany wénwala?