CHUTI RIKÁ NOKIBOA JAPI RIKÁ CRISTO

Bikiá namuti japi néwariwéliti japi ta Jeobá bichiwi

David ko niyúrili Goliat jiti we bichíwili Jeobá (1Sa 17:45). Jeobá ko néema binoy jiwérala iʼwírimia echi japi nijéwami ju (2Cr 16:9). ¿Piri ta nokiboa néwariwélitimia japi ta bichiwi Jeobá alí ke tamujé aboi? Ma inepo bikiá namuti.

Sinibí Jeobá yúa raʼichá. Japalí mi yúa raʼicha, ke bi ané japi mi ku wikáwima japi mi ke aʼlá isili, nalí ayénachó japi mi iyama echi jiwérali jiti mi ke isima japi chati ju (Mt 6:12, 13). Ke bi ané Jeobá japi mi iʼwírima bilé namuti jitra japi mi ma isili, kecho isimia bilé namuti bachá tani Jeobá japi mi iʼwírima jiti mi aʼlá isima (Snt 1:5).
Sinibí leeri alí biné echi Biblia. Leeri echi Biblia sinibí rawé (Sl 1:2). Natá piri mi bineli echi rejoy alí mukí japi oserúa chukú echoná Bíbliachi alí echi riká isí (Snt 1:23-25). Aʼlá biné kecho simiyá nawisasia, kiti natá japi mi ma we machíami ju. Jiti mi we aʼlá binema japi binepo napawíliwachi, bachá aʼlá biné.
Nijewi echi organización japi Jeobá wilali. Sinibí iné japi nulá echi organización alí sapuka nijewi (Nú 9:17). Ayénachó echi riká isí japalí echi ancianos nulasa bilé namuti (Heb 13:17).

Jaré policías too bilé hermano sikala buleka alí jaré periodistas alí hermanos inea jawi.

MA INESA ECHI VIDEO ¡KITI MAJASI JAPALÍ TIMÍ RISOA OLIWÁ!, ANISÍ JAPI TI MI NÁRIPORÉ JENAʼÍ:

• ¿Piri namuti jitra we majali echi hermanos?

• ¿Piri iʼwírili jiti ma ke majama?