Precursor nii

Jipi kuwachimi rawé, we aʼlá ju japi ta natabo chu iyiri nóchali nokiboa japi Jeobá tamó iyá (1Co 9:26; Ef 5:15, 16). Japalí timí napawika biné echi Biblia, a timí omeri raʼicha piri timí nokimea na bamíali de servicio. Bachá Jeobá yúa raʼichasa alí jena oselichi japi binepo echoná napawíliwachi, ami riwimea jaré namuti japi mi omero isiá che we nóchilia Jeobá (Snt 1:5).

Japi riká, ¿a timí omeri iʼwiria bilé emi téemala jiti nima precursor regular? Ami mayéaká japi mi ke omérima sibaria echi horas, raʼichá jarecho precursores yúa japi echi riká cho ikí jiti mi ruyema chúriká noká (Pr 15:22). Japalí timí biné echi Biblia echoná bitichí, nari bilé precursor chúriká isiá, alí osá chu iyiri aʼlá ju japi mi isima. Ma mi precursor nílaká alí jipi ami omériaká, iʼwérili isí jiti mi checho ku precursor nima.

¿A omeri bilé japi mi yúa bité precursor auxiliar niya bilé mechá o jarecho si? Ke mi me jiweria níliaká, ami omero nawesia pe kuabi horas sinibí rawé. Ke mi ikíriaká nawesia nasipa tarali jiti mi nocha o simí escuela, a mi omérima precursor niya japalí mi vacaciones olasa, o bilé mechá japi olá malí oméachi alí malí sábados. Alí uchá echoná calendario chu iyiri mechá mi nima precursor alí chu iyiri rawé mi nawesama (Pr 21:5).

MA INESA ECHI VIDEO KITI MAJASI PRECURSORES, ANISÍ JAPI TI MI NÁRIPORÉ JENAʼÍ:

• ¿Chúriká iʼwírili Jeobá echi hermana Aamand? Alí, ¿piri ta biné?