¿Ami iné chúriká Jeobá mi iʼwiri?

Echoná Biblia nirú wiká ejemplos chúriká Jeobá iʼwírili japi echi yúa raʼíchili. Japalí echi japi nijéwami ju Jeobá, ineli chúriká Jeobá iʼwírili japalí newaleli, aminabi we bichíyami nili. Jiti la, we natéami ju japi ta anepo Jeobá piri ta newalé alí miná ko inésaré chúriká Jeobá tamó iʼwiri. Nalí, ati newalásaré japi Jeobá isini kaachi sinúrika tamó iʼwiri japi riká ti ke tánili. Jeobá ayénachó isimí jarecho si namuti japi tamujé ko ke mayé japi isima (2Co 12:7-9, TNM; Ef 3:20). Ma inepo chúriká Jeobá tamó iʼwiri.

• Tamó iʼwérili iyá jiti anachabo suwaba echi karú ikiwáami (Flp 4:13, TNM).

• Tamó iʼwiri jiti aʼlá natabo japalí ti nokiboa bilé namuti (Snt 1:5).

• Tamó jiwérili iyá jiti nokinálipo japi aʼlá ju (Flp 2:13).

• Tamó iʼwiri jiti kilí nílipo (Flp 4:6, 7).

• Nee jarecho jiti tamó iʼwírima (1Jn 3:17, 18).

• Iʼwiri echi pagótami japi ta tani echi jitra (Hch 12:5, 11).

MA INESA ECHI VIDEO JEOBÁ KO MI KIPÚ JAPALÍ MI ECHI YÚA RAʼICHA, ANISÍ JAPI TI MI NÁRIPORÉ JENAʼÍ:

• Japi riká ikí echi hermano Shimizu, ¿chúriká iʼwiri jarecho japi nayúami ju?

• ¿Chúriká nokiboa japi riká echi hermano Shimizu?