¿Piri mi isísaré mujé?

50 ¿Ami kanílisa nili bitea sinibí echoná Wichimóbachi we baʼóachi?

Ami echi riká nakiyá ka ami a wabé binésaré japi Onorúami aní. We iwerli isí binea leeria echi Biblia (Juan 17:3; Apocalipsis 1:3).

51 Biné aminabi echi Jesusi kitra (Deuteronomio 18:18, 19; Juan 3:16; Hechos 3:19-23).

52 Iwerli isí isiá pe echi bi japi we aʼláala ju alí nijewia Jeobá (Romanos 6:17, 18, 22).

53 Ami newalá, kiti Jeobá ko aní kiti ke tasi koʼwísaré echi pagótami (Éxodo 20:13; 1 Juan 3:11, 12).

54 Ke tasi ta iyésaré echi namuti echi jarecho japi echi níwala ju (Éxodo 20:15; Efesios 4:28).

55 Bilé rejoy tasi omero bitea bilé mukí yúa japiré ke echi upila níisaká alí ke tasi cho yúa boʼisaré (Éxodo 20:14, 17; 1 Tesalonicenses 4:3).

56 ¿Ami newalá kipi nakili Onorúami japi olama upila echi kunala? ¿Chu ikilipi bamíali ripísaré bilé kunala kipi upila yúa? (Génesis 2:22, 24; Mateo 19:5, 6; 1 Corintios 7:2, 10, 11.)

57 Ami newalá, kiti pe Jeobá bineli bi nóchisaré (Mateo 4:10; 1 Corintios 8:6).

58 Echi namuti japi niwá echi pagótami kiti mulíwima Onorúami, japi riká kursi, echi ko ke tamujé kuʼírima. ¿Chusiá? (1 Corintios 8:4)

¿Aʼlá ju oliwaa namuti japi riká echi kursi? (Deuteronomio 27:15; 1 Juan 5:21.)

59 ¿Chusiá ke aʼlá ju sipabúwami alí óniwami? (Deuteronomio 18:10-13; Apocalipsis 21:8.)

60 Echi cheti chati ánjeles ko Onorúami sayérala ayenli. Nee echi sukurúami kiti ékima echi pagótami (Hechos 16:16).

61 Ata orárisaré Onorúami. Orar aniwáami ju raʼichalia Onorúami yúa, kiti ta aneba kiti ta a nijéwinali alí tania nikúurowami (Filipenses 4:6, 7).

62 Ata nijéwisaré Jesusi alí bichíwisaré echi (Hebreos 5:9; Juan 3:16).

63 Ami newalá kiti echi mukuli kiti ta niyuba (Romanos 5:8).

64 Ami newalá kiti Jesusi tamujé silíamiwala ju, we nalí be ta ke ritiwaba. Ata nijéwisaré (Filipenses 2:9-11; Apocalipsis 19:16).

65 Jesusi ko anili kiti mi a raʼíchisaré jarecho pagótami echi namuti aʼláala japi mi ma bineli. Alí echi japi nijéwinali Onorúami a pakósaré (Mateo 28:19, 20; Juan 4:7-15).

66 Kiti bela ami omérosaré raʼichía echi pagótami japi mi a machí jepuná namuti aʼláala ba (Mateo 10:32).

67 Mujé ami we aʼlá binésaká leeria, ami binémalé che wiká namuti alí mi a oméroma we aʼlá kuʼiria jarecho (2 Timoteo 2:15).

68 Jesusi ayénachó a binérili kuuchi kúruwi chiriká nijéwima Onorúami. Ke siné jéanili echi ko tasi ni ikiro raʼichía echi kuuchi kúruwi (Mateo 19:13-15).

69 Echi wénwala ko a sinibí binérisaré kipi kúchuwala nijéwitia alí nakiyá Onorúami (Deuteronomio 6:6, 7; Proverbios 6:20-22; Efesios 6:4).

70 Jipi ko a nirú wikabé tiyopa. Wiká namuti japi echoná binériwa tasi Bíbliachi uchúwami ju. Jeobá ko aní kiti ta machínipo japoná binériwa japi ke bichíwali ju (Apocalipsis 18:4; Juan 4:23, 24).

71 Jeobá ko a olá pagótami jenaʼí wichimóbachi japi a oméroma bineria echi kitra. ¿Ami machí jepuká ju? (Hechos 15:14; Romanos 10:14, 15.)

72 Echi ko ju testigo Jeobá ju. Echi ko a pe kilii niraa piréami ju anakupi niraa. ¿Ami machí chusiá? Kiti we nakiká noká anakupi niraa (Isaías 43:10-12; Juan 13:34, 35).

73 Ayénachó pakoka nokali kiti nakí Jeobá. Echi riká noká kiti jaré machimea japi ma riweli chariká piréliwami alí jipi ko sinibí nijéwinali Onorúami (Hechos 2:41).

74 Echi testigo Jeobá ko pirélima echoná kulíwami Wichimóbachi baʼóachi (Salmo 37:9-11, 29).

¿Piri mi omérosaré isiá mujé kiti mi a bitélima echoná echi yúa? (Santiago 1:22, 25; 2:20-26.)

75 Ami yúa napawika binésaré nijewia Jeobá. Echi ko nakí alí nijewi Jeobá alí Cristo Jesusi. Mujé ru ¿Ami nakí? ¿Ami kanílisa nili kuʼiria jarecho kiti machimea Onorúami? (Juan 6:45-47.)

76 Jeobá alí Cristo Jesusi mi nakí kiti bela nakí kiti mi bitélima echoná Wichimóbachi we baʼóachi (Juan 3:16).

Echi japi mujé ma bineli echi iyóktami kítara alí japi aní echi oserúami a ta mayé kiti mi a kuʼíroli kiti mi a nakinálima sinibí bitea kanílika echoná Wichimóbachi. Ami che binénalaká jepuná kitra, raʼicha bilé testigo Jeobá yúa japi mulipi bité japi mujé bité. Ayénachó mi a omérosaré osayá alí ke mi oméraka ané bilecho pagótami japi osimea biléana japi mulipi wilí mujé bitélachi japi echoná okuá pájinachi uchúi jepuná oserúami.