Binelíwami 14
Chúriká nóchaka noká echi testigo Jeobá
¿Chu kabú jona nirúlisimi testigo Jeobá? (1)
¿Chúriká nokiwaa echi napawíliachi japoná napawí echi testigo Jeobá? (2)
¿Chúriká napabú echi winomí japi néwalelíwa? (3)
¿Jépuká wilárami ju echoná napawíliwachi? (4)
¿Piri ka si weli napawíliami niwá sinibí bamíali niraa? (5)
¿Piri ka nóchali noká Nueva York jonsa alí japoná nirú sucursales? (6)
1. Kiʼyá jonsa nirú testigo Jeobá, we be nalí ma simirsa echi bamíali 1870 a bijí nirúlisimi. Bachá ko rewairu echi Biblia binéami, we nalí echi bamíali 1931 jonsa echi abói nakili japi testigo Jeobá riwéwima, japi riká aniyé echi Biblia (Isaías 43:10). Echalí jonsa wiká muwésimi echi testigo Jeobá japi bineri echi pagótami japi piréami ju 230 simírikami países.
2. Né nokí sinéami testigo Jeobá napawika noká okuá rawé bilé tarali niraa. Ami bayeliwa kiti mi simea echoná napawíliachi (Hebreos 10:24, 25). Japi binériwa echoná Bíbliachi uchúwami ju. Echoná napawíliachi ko chotásiwa alí suwéena amachíkisa Onorúami, alí né sulachí jona wikarániwa Onorúami (Efesios 5:18, 19). Sinéami a omero moʼiá alí ke bujewa (Mateo 10:8).
3. Né nokí sinéami napawí Japoná biné echi Testigo Jeobá. Jepuná kalí ko echi testigo Jeobá niwáala ju. Echoná ko tasi mi riwimea echi santos, kecho echi kursi alí namuti japi riká echi. Echi namuti ko natétiwa echi winomí kitra japi echi pagótami nijí. Japalí echi pagótami nijínali echi winomí a muchuwa japoná nirú bilé caja (2 Corintios 9:7).
4. Japi kumi ko nirú napawíliami, nirú ochérami anelíami, echi ju japi we aʼlá bineria noká (1 Timoteo 3:1-7; 5:17). Ayénachó nirú jaré nakúurami rejoy (1 Timoteo 3:8-10, 12, 13). Echoná napawíliachi jepuná rejoy tasi we natéami ka nili (2 Corintios 1:24). Tasi olá rewalá japi riká we natéami niraa (Mateo 23:8-10). Ke sinú riká napáchami ju. Tasi natétiwa japi nocha. Echi ochérami ko kanílika kuʼiri japi newalé echi rejimá japalí risoa nílisa alí iyá busuréliami alí we kaníliti (Santiago 5:14-16; 1 Pedro 5:2, 3).
5. Echi testigo Jeobá ayénachó napawika noká echi waʼlú napawíliachi sinibí bamíali niraa. Echalí ko napawí wikaná ayé piréami kipusia echi nawésali Biblia kitra. Ayénachó echoná waʼlú napawíliachi pakóliwa japi kulíwami Jesús najátami ayena (Mateo 3:13-17; 28:19, 20).
6. Nueva York jonsa nulérami ju sinéami echi testigo Jeobá. Echoná muchuwi Japi Aʼlá Niseri echi testigo omáana piréami. Ayénachó, omáana Wichimóbachi a nirú nokí cien simírikami sucursales anilíami. Japi echoná nocha niwá wiká oselí alí Biblia alí julawa omáana kawichí. Ayénachó echoná aneliwa kumi predicárima. ¿Ami kanílisa nili basalowa echi sucursal japi mulipi wilí japoná mujé bité?