Binelíwami 15

Kuʼíripa echi pagótami nijewia Onorúami

¿Chúsiá mi raʼichásaré japi mi bineli? (1)

¿Jépuká mi oméroma bineria echi namuti kalabé kitra? (2)

¿Chúriká mi oméroma kuʼiria jarecho japalí mi aʼlá isíiami nisa? (2)

¿Chu kabú mi oméroma predicaria echi rejimá yúa? (3)

1. Mujé ma mi bineli wiká namuti kalabé echi Biblia kitra. Jepuná machiwáami ko mi kuʼírima kiti mi kilipi kilipi niraa nílisima japi riká Onorúami nakí (Efesios 4:22-24). Ayénachó, jepuná machiwáami we natéami ju kiti mi narema sinibí bitéliwami (Juan 17:3). We be nalí echi pagótami ayénachó a kipúsaré echi kalabé raʼíchali kiti a oméroma niyúa. Sinéami echi japi né bichíwali Jesús najátami ju ko a binérisaré jarecho pagótami. Kiti echi ko Onorúami nuláala ju (Romanos 10:10; 1 Corintios 9:16; 1 Timoteo 4:16).

2. Raʼichá japi mulipi piré mi yúa japi mi bineli echi namuti kalabé kitra. Raʼichá mujé téemala yúa, amigos, echoná escuélachi alí japoná mi nocha. Isí we kanílika alí kilii niraa (2 Timoteo 2:24, 25). Ami newalásaré kiti echi pagótami ko iné japi ta noká alí japi ta aní ko ke. Kiti bela, echi we aʼlá isimíwami ko a kuʼírima kiti echi pagótami kipuma echi raʼíchali japi mi ané (Mateo 5:16; 1 Pedro 3:1, 2, 16).

3. Pe aminana ko, ami omérimalé isiá japi riká Onorúami nulá kiti mi chotásima predicaria echoná congregacionchi japoná mi napawila echi testigo Jeobá yúa. Jepuná we natéami ju kiti mi aʼlá isíiami nima (Mateo 24:14). ¡We aʼlá nima kiti mi kuʼírima bilé rikamti kiti Onorúami amígowala nima alí kiti olama sinibí bitéliwami! (1 Tesalonicenses 2:19, 20.)