Onorúami mi bayé kiti mi echi amígowala nima

Onorúami ko nakí kiti mi nima binói amígowala. Mujé a oméroma amígowalaká echi pagótami wabé natéami, ¿ami ko machiyé? Abrani ko, japi wabé chabéi biteili, riwairu Onorúami amígowala (Santiago 2:23). Echi Biblia ko raʼicha jarecho pagótami kitra japi ayénachó Onorúami amígowala nili alí nareli wiká namuti kalabé. Jipi ko, wiká pagótami omáana Wichimóbachi ma Onorúami amígowala ju. Mujé ayénachó mi oméroma nilia.

Onorúami amígowala níliwaká né wabé natéami ju alí echi pagótami amígowala níliwaká ke me. Onorúami ko ke sineti riwé binói amígowala japi né bichíwali ju (Hebreos 13:5). A oliwáaká winomí ke tasi me natéami ju nalí we natéami ju Onorúami amígowala níliwa. Japalí suwí echi japi wiká olá winomí jarecho pagótami yúa ripí echi winomí. We nalí be echi japi Onorúami amígowala ju a olá bilé namuti rikamti we natéami japi ke wesi omeri iyea (Mateo 6:19).

Ke sinéami nakí japi mujé binema japi Onorúami bineri. Jaré japi mujé amígowala ju a omero nokayá echi alí mujé téemala (Mateo 10:36, 37). Jaré achisá mi kitra jemi anesa: “Mi ni risoa olama a mi binésaká Onorúami kitra”, we nalí nárika isí: “¿Jepuká ni nalí kanílitinali, echi pagótami, we chakó Onorúami oké?”. Natá jepuná, bilé mi anesa japi mi riwema koʼyá, ¿ami isima? Ke alé. Ami biténalaká ami koʼsaré. Onorúami ko omero isiá kiti mi sinibí bitélima. Kiti bela, a we bineisi churiká niba Onorúami amígowalaká chikoré jaré mi anéi japi mi ke isima (Juan 17:3).