¿Chúriká mi oméroma kipúa Onorúami?

Japalí ta leeri echi Biblia, ata kipú Onorúami niʼokala (2 Timoteo 3:16)

Echi Onorúami natáala ko echoná Bíbliachi oserúa uchúi. Echi ko néeli jaré pagótami kiti osimea. Echoná Bíbliachi a nirú we natéami namuti, japi Onorúami nakí japi mi machimea.

Tasi wesi machí japi riká Onorúami. Echi ko machí piri aʼlá ju tamujé kitra. Ami kipúsaká, we mi aʼlá nátami nímalé (Lucas 11:28; Efesios 1:17).

Onorúami ko nakí japi ta sinéami leéripa echi Biblia. Kiti bela oserúami ju suwinárika niraa raʼicháliami.

Ami kipúnalaká Onorúami, ami leérisaré alí mi isíisaré japi aní echi Biblia.

Wikaná piréami pagótami a kipú echi Onorúami Raʼicháala (Mateo 28:19)

Echi testigo Jeobá mi kuʼírima machiria echi Biblia.

Echi ko bineri omáana Wichimóbachi piréami echi bichíwali Onorúami kitra.

Ayénachó mi binema Onorúami kitra Japoná biné echi Testigo Jeobá. Tasi mi bujeba japalí mi binériwa.