¿Jépuká ju Onorúami?

Bilepi bi nirú Onorúami né bichíwali, echi rewalá ko Jeobá ju (Salmo 83:18). Echi ko bité ripá rewegachi alí ke ta omero inea. Echi kitra ta we nakiwáami ju alí nakí japi ta nakiboa echi. Ayénachó nakí japi ta nakiboa jarecho pagótami (Mateo 22:35-40). Ke wesi pagótami walubéala ju japi riká Onorúami, kiti echi ko suwaba namuti niwali.

Echi né bachá japi niwárami nili Onorúami kitra echi ko nili bilé ángel we jiwérami. Jipi ko Jesucristo niraa machiwá. Onorúami ayénachó niwali jarecho ángeles.

Jeobá ko niwali suwaba namuti japi nirú ripá rewegachi... ... alí suwaba japi ikí nirú jenaʼí Wichimóbachi (Apocalipsis 4:11)

Jeobá ko niwali ripá siyónachi, Weʼé alí japi ikí nirú echoná (Hechos 4:24).

Echi né bacháwala rejoy, Adán, weʼé kitra niwárami nili (Génesis 2:7).