¿Chu ikili japalí kipuli japi anili Satanás?

Adán alí Eva suwili kiti ke nijéwili Onorúami (Génesis 3:6, 23)

Eva ko a kipuli japi aneli echi sinói alí ukuli echi rakala. Pe aʼlínala ko iyali Adán, alí echi ayénachó ukuli.

Japi echi nokali ko né wabé chati nili. Onorúami ko machí awali echoná Wichimóbachi baʼóachi jona.

Echi alí echi kúchuwala we risoa nili. Echi ko ochérami nílisili alí suwili. Echi ko ke biléana simíali, kecho chuʼí najítili.

Echi suwíkami ko pe weʼé ku nili, ma ke bilé namuti noká (Génesis 3:19)

Tamujé ko suwí kiti ta Adán alí Eva kúchuwala kampa. Echi suwíkami ko tasi omero inea, kecho kipú, tasi iyiri namuti noká, japi riká ochiká bitíami ju (Juan 11:11-14).

Jeobá ko tasi nakiyé japi suwimea echi pagótami. Echi ko ma keʼayó ku jawásima echi suwíkami. A nijéwisaká Jeobá, sinibí pirélima.