PARTE 5

Japalí nawali Echi Walubé Ukí, ¿jépuká kipuli Onorúami?

Japalí Noé biteili né nokí sinéami pagótami chati nokáami nili (Génesis 6:5)

Echi ángeles olali ripokala japi riká echi pagótami jiti omérima niwía echi mukí yúa

Adán alí Eva olali kúchuwala, alí wiká muwésili echoná Wichimóbachi. Pe aminana mi jaré ángeles chati ayenli japi riká echi Satanás alí ke nijéwili Onorúami.

Echi ko tikili jenaʼí Wichimóbachi alí olali ripokala japi riká echi pagótami kiti oméroma niwía echi umukí yúa. Alí echi umukí ko olali kúchuwala japi we jiwérami nili alí we nakówami.

Mukí ko taa muchi mutuka chukú alí echi towí ko ochoa wiliri; echi ángeles tanala ko, echi Nefilim, we nakówami nili

Omáana Wichimóbachi niruili pagótami japi we chati nokáami nili. Echi Biblia aní: “Wabé chati nili japi nokali echi pagótami jenaʼí wichimóbachi” alí sinibí chati nátami nili.

Noé ko nijéwili Onorúami alí niwali echi arca (Génesis 6:13, 14, 18, 19, 22)

Noé ko we aʼláala nili. Jeobá aneli Noé japi suwábima riweili echi pagótami chati Echi Walubé Ukí kitra.

Noé alí upila echi tanala si napawika niwali echi arca

Onorúami ko aneli Noé kiti niwama bilé waʼlú kajoni kiti baʼwechi moba ayé inama, arca rewéami. A moʼisá riweili echi japi yúa pireili alí moʼasa riweili suwinárika namuti jákami.

Noé ko ruyeli echi pagótami japi nawama echi Walubé Ukí alí echi pagótami ko achili japi anili Noé

Noé ko aneli echi pagótami japi waʼlú ukumea riweili, we be nalí echi pagótami ko ke tasi kipuli ba. Jaré ko achiyé Noé kitra, jarecho ko we naʼáwali.

Noé alí upila echi tanala si pachá árcachi moʼali echi namuti

Japalí ma sunili niwayá echi arca, Noé ko moʼali echi namuti jákami.