¿Chu mi isima japalí mi majaa asisaa bineli?

To inebo echi towí japi echoná atí. ¿Kecha ko bineli atí ni majaa? ¿Ami cho majaa nili isini?... Sinéami a majáami ju. Echi Biblia aní japi jaré pagótami japi Onorúami amígowala nili ayénachó majaa pireili japi riká Elías. Ma inepa piri ikila.

Elías ko biteili wiká bamíali jimi Israel mi, ke cho bitéachi Jesús. Echalí rawé, echi rejoy japi silíami nili Israel alí echi upila ke bichíwami nili Jeobá, echi Onorúami né bichíwali; Acab riwéami nili alí echi upila ko Jezabel, echi ko Baal riwéami bichíwiami nili japi riká ko Onorúami ka. Kiti bela, echi pagótami echomí Israel mi piréami nokí sinéami nijewi Baal nalí. Echi mukí Jezabel riwéami we aparúami nili alí sinéami pagótami oʼyánili japi Jeobá bi nijewi. ¡Ayénachó si miʼánili Elías kiti Jeobá cho nijewi! ¿Chu isílalé Elías? Mujé ru, ¿piri mi isimili alé?...

¡Elías ko we miká simili! Nawali japomí ke wesi pireili, japomí ke iteili baʼwí alí biléana risochí chiná asali. ¿Chúsiá ichípili?... Kiti we majali. Ke che majasa riweili láriba echi ko. ¿Chúsiá ke? Kiti echi ko a machili japi Onorúami tibuma. Japi riká isili chabé. Siné rawé Elías ko Onorúami yúa raʼíchili alí Onorúami ko aʼlá kipuli kiti bela júala ko japi waʼlú rajíinima ripá jona. ¿Kecha Jeobá we jiwérami ju ni? Ayena. ¡Jeobá ko oméroli tibúa Elías!

Elías ko risochí asali, Jeobá ko nárili: “¿Piri mi isiá atí jenaʼí?”. Elías ko je ku aneli: “Chabé ko wiká pagótami mi nijewi, jipi ko nijé bineli bi ripí mi nijewia. Ani we majaa atí si ni miʼásiwa”. Echi Elías ko mayé japi ma suwaba suwili echi pagótami japi Onorúami bi nijéwami ju. Jeobá ko jéaneli: “Tasi mujé bineli bi ripí. A bijí ripí 7 mil pagótami japi tamí nijewi. Kiti majaa asá, kiti ni mi nochánilia nulema”. ¿Acha we kanílalé Elías japalí kipuli Onorúami?... ¡Ayena, we kanílalé!

Jipi ko natá chu ikila Elías. Tamujé ru, ¿piri ta biné japi isili Elías?... Isini kaachi bineli mi ka níliré, majaa ma. Emi chinílisaká, ami machisáré japi mi ke bineli ju, kiti a nirú pagótami japi a nakí Jeobá, ayénachó mi kalé. Sinibí nata japi Jeobá mi tibuma kiti we jiwérami ju. ¿Kecha mi a kanili echi riká machiyá?...