¿Piri aniwáami ju echi Onorúami Gobiérnowala?

JAPI ANÍ ECHI BIBLIA

“Echi Onorúami ripá siyónachi bitéami, wilama bilé gobierno japi ke sineti suwábitami nima.” (Daniel 2:44, Traducción del Nuevo Mundo.)

“Riosi wilama echi Jesusi mapurigá Walubela silíami niráa [...] ne sinibí niráa aboni silínawala níima” (Lucas 1:32, 33, El Nuevo Testamento de nuestro Señor Jesucristo en tarahumara de Samachique.)

CHÚSIÁ AʼLÁ JU JAPI MI MACHIMEA

• Echi Gobierno we aʼlá nuláami nima alí ibili niraa iwírima echi pagótami (Isaías 48:17, 18).

• Pe aminana echi silíami ko we aʼlá nulama, echoná ko ma ke che nirúlima nawilí alí we kanílika pirélipa jenaʼí Wichimóbachi we baʼóachi (Apocalipsis 21:3, 4).

¿A AʼLÁ KEʼRÉ BICHIWA JAPI ANÍ ECHI BIBLIA?

Ayena, jenaʼí mi ruyema jepuná náriwami:

• Jesús néwariwélitili japi isima echi Onorúami Gobiérnowala. Jesús ko binérili echi japi yúa iyenili kiti raʼíchima Onorúami yúa kiti tánima: “Riwé japi mujé gobiérnowala nawama” alí japi ikimea japi Jeobá nakí jenaʼí Wichimóbachi (Mateo 6:9, 10, TNM). Ayénachó Jesús binói néwariwélitili japi chúriká ikimea japi tali echi pagótami.

  Japalí Jesús jenaʼí Wichimóbachi biteili echi ko kóali echi pagótami, saʼweli nayúami alí ku jawásili echi suwíkami (Mateo 15:29-38; Juan 11:38-44). Echi riká isiika néwariwélitili japi isima echi Onorúami Gobiérnowala (Apocalipsis 11:15).

• Echi namuti chati japi ikísimi jenaʼí Wichimóbachi a néwariwéliti kiti ma mulipi nawama echi Onorúami Gobiérnowala. Jesús ko anili japalí kecho nuláachi echi Onorúami Gobiérnowala jenaʼí Wichimóbachi, japi bachá nirúlima nakówami, lochéwami, alí japi nokomea echi kawí (Mateo 24:3, 7).

  Suwaba japi Jesús anili ma ikísimi jipi rawé. Kiti bela ata aʼlá machí japi ma mulipi echi Onorúami Gobiérnowala suwaba kariwema jenaʼí Wichimóbachi.