Kiti nirálami nii

Japi isili Pablo

VIDEO: Pablo ko yúa raʼicha echi silíami Agripa

1. Iné echi VIDEO o leeri Hechos 26:2, 3, alí biné jepuná preguntas:

1. ¿Chúriká newa anili Pablo japi ke nirálami ju japalí yúa raʼíchili echi silíami Agripa?

2. ¿Piri anili Pablo jiti echi pagótami machimea japi Jeobá níwala nili japi iyiri binérili, ke ko binoy? (Iné Hechos 26:22).

¿Piri ta biné japi isili Pablo?

2. Ati ke nirálami nísaká japalí ti raʼicha alí ti we aʼlá riwíwika raʼichásaká, echi pagótami ko a binénilima echi Biblia.

Isí japi riká Pablo

3. Kiti cha riká iné jarecho. Kiti newa isí japi mujé ko we machíami ju alí japi mi yúa raʼichi ko ke me. Sinibí riwíwika raʼichá.

4. Riwiri japi Bíbliachi uchúwami ju japi mi iyiri bineri. Echi pagótami ko kanílika alí nátika ripí japalí kipujú japi aní echi Onorúami Raʼicháala. Jiti bela japalí ti nee echi Biblia, ati iʼwiri echi pagótami jiti we aʼlá bichíwiami nima.

5. Kilí niraa nii. Kiti iʼwérili ané japalí echi pagótami ke bichíwinili japi ta iyiri bineri. Tamujé ko ke naʼáwinili echi pagótami yúa. Ke mi nirálami nísaká, ke mi iyoa nílima alí mi machimea chumi kabú chakena simea (Prov. 17:14; Tito 3:2). Ami simárika alí kilí niraa raʼichásaká, echi pagótami ko a mi yúa raʼichánilimaré che siné rawé.