Kiti nee raʼíchali jilírami

Japi isili Jesús

VIDEO: Jesús ko bilé ejemplo néeka bineri japi Jeobá tamó tibula

1. Iné echi VIDEO o leeri Mateo 6:25-27, alí biné jepuná preguntas:

1. ¿Chu iyiri ejemplo néeli Jesús japalí binérili japi Jeobá tamó tibula?

2. Tákoré Jesús ko wiká namuti machili echi churuwí jitra, nalí ¿chúsiá ke suwaba namuti nawésili japi iyiri machili? Alí, ¿chúsiá jepuná we aʼlá nili japi riká binérili?

¿Piri ta biné japi isili Jesús?

2. Ati we aʼlá machiyá binérisaká o ke ti néesaká raʼíchali jilírami, echi pagótami ko ne sulachí jonsa moʼama alí newalama japi ta iyiri bineri.

Isí japi riká Jesús

3. Kiti me raʼichá. Kiti ne suwaba nawisá japi mi ikí machí bilé namuti jitra. Nalí ruyé bi japi aní echi oselí japi mi jitra bineri. Japalí mi nárisa bilé namuti, riwé japi echi binéami animea echi respuesta. Nalí be, ke machisaa ru piri animea o anisaa ru bilé namuti japi echi Biblia ke bineri, che jarecho namuti nari jiti binoy machimea chu iyiri ju echi respuesta. Ma aʼlá inámisaká japi timí iyiri binea muchuwi, jipi ko bineri echi biléala punto.

4. Japalí mi bineri japi kecho machí echi binéami, bachá raʼichá echi namuti jitra japi ma machí. Japi riká, japalí mi chotásima bineria echi binelíwami japi raʼicha japi ku jawásitami nima echi suwíami, bachá pe kuabi raʼichá japi iyiri ma machí echi binéami, japi riká piri ikí echi pagótami japalí suwí.

5. Aʼlá natá chumi iyiri ejemplos néema. Japalí mi néenali bilé ejemplo, bachá nárika isí:

1. “¿A we jilí ju inámilia na ejemplo?”.

2. “¿A inámima echi binéami?”.

3. “¿A newalama echi namuti we natéami, o newalama bi echi ejemplo japi ni ruyeli?”.