CHUTI RIKÁ NOKIBOA JAPI RIKÁ CRISTO
Jiti mi we aʼlá binériami nima, we natéami ju japi mi simea nawisasia
Jesús ko nuleli echi discípulos japi binérima echi pagótami (Mt 28:19). Jiti ta nokiboa japi ta nuleeri, simabo nawisasia ayénachó binéripa echi pagótami. Ata jériká natásaré: “¿Chu ni isima ke ni cho echi riká isíako japi ni aniliwa jenaʼí?
SIMABO NAWISASIA
Tamujé nalí echomí simabo binérisia echi pagótami, aapo echi pagótami japi binénali, echi riká mi machimea jépuká binénala bichíwali (Mt 10:11). Simiyá nawisasia, ¿ani binérisia simí echi pagótami japi mulipi simari japoná ni wilí? (Hch 17:17). Bilé mukí Lidia riwéami bineli jiti echi apóstol Pablo sinibí nawésiami nili japi aní echi Riosi raʼicháala (Hch 16:13-15).
“Biyaa ichá echi talí, ma alíwachi a cho ichá echi talí” (Ec 11:6).
INEPO ECHI VIDEO ATA NAWISÁSARÉ ECHI RAʼÍCHALI KALABÉ “TARAPÉ SINÉ ARIWELI”: NAWESIA ONORÚAMI RAʼICHÁALA APU KOME TA JARO MI ALÍ BITICHÍ AYÉ, ANÍ JAPI MI NÁRIPORÉ JENAʼÍ:
¿Chu isili echi Samuel jiti ama echi pagótami japi a binénali?
¿Chúsiá iʼwera isísaré sinibí bineria echi pagótami?
¿Jépuká ni binérima japi aní Onorúami?
JAPI MI BINÉRIMA
Jiti binéripa echi pagótami, japalí ti iʼyá echi oselí ayénachó ku simabo binersia echi pagótami. Ata nijísaká bilé oselí echi ineka ku ruyebo japi ta yúa raʼíchili jiti aminabi machimea japi aní echi Biblia (1Co 3:6-9). Tákoré, echi riká isía ruyepa checho ku bineria, ¿chu mi isima japalí echi binéami ke isisa japi Jeobá nakí? (Mt 13:19-22). Che jaré nalí pagótami binéripo echi ko a binénili reko japi aní Onorúami (Mt 13:23; Hch 13:48).
“Nijé ni ichaki, Apolos ko baʼwí roweli, Onorúami ko isili ochérita” (1Co 3:6, TNM).
INEPO ECHI VIDEO ATA NAWISÁSARÉ ECHI RAʼÍCHALI KALABÉ “TARAPÉ SINÉ ARIWELI”: JAPALÍ TA NAWESA APU WIKÁ PAGÓTAMI NIRÚ ALÍ JAPALÍ TA A BINERI ECHI PAGÓTAMI JITI MACHIMEA ONORÚAMI, ANÍ JAPI MI NÁRIPORÉ JENAʼÍ:
¿Piri nokali Solomon alí Mary jiti we aʼlá binésima Ezequiel alí Abigail japi bineri echi Biblia?
Japalí ta nawesa japoná wiká pagótami nirú, ¿piriká we natéami ju japi nokiboa echi pagótami yúa japi wi echi oselí?
¿Piri ta nokibóalé isini kaachi jiti ta né bichíwali binérnali echi pagótami japi aní Biblia?