“Sinéami chiliweba bilé namuti Jeobá”

¿Chúriká ti “sinéami chiliweba bilé namuti echi Jeobá”? (1Cr 29:5, 9, 14). Jenaʼí mi machimea, chuti riká nijí echi winomí jiti mi chiliwema Jeobá, alí chúriká mi isima nijía echi winomí echi riká noká echi testigos Jeobá omáana piréami.

ATA NIJÍ WINOMÍ ECHONÁ INTERNET JONSA ALÍ CAJAS JAPI NIRÚ NAPAWÍLIACHI JENAʼÍ MI INEMA CHÚRIKÁ NÉELIWA:

• 

  WINOMÍ JITI OMÁANA PIRÉAMI RUYÉRAMI NIMA ECHI RAʼÍCHALI KALABÉ

  jiti niwaliwa kalí japi riká oficinas remotas de traducción alí sucursales

  escuelas japi niwá echi testigo Jeobá

  kuʼíriwa wiká betelitas alí echi japi julárami ju nawisanilia jarecho país

  kuʼíriwa echi pagótami japalí waʼlú ukusaa alí japalí nokosá echi Kawí wiká kalí najuchi

  jiti nirúlima videos, oselí alí uchuwa oselí página internet

• 

  WINOMÍ JAPI NEWALEWA ECHONÁ CONGREGACIÓN

  ralisá namuti japi newalewi echoná japoná mi napawí, natetia baʼwí alí luz

  japi waná napabuwa winomí, echi ko julawa sucursal jiti:

  • che wiká niwá kalí japoná biné echi testigo Jeobá alí salón de Asambleas omáana Wichimóbachi

  • echi Programa Mundial de Ayuda

  • jarecho si japi nokiwaa omáana

ASAMBLEAS JAPI BIKIÁ RAWÉ JU ALÍ JAPI BILÉ RAWÉ JU

Echi winomí japi napabúliwa echoná asambleas japi bikiá rawé ju echi ko julawa japoná aní Winomí jiti omaana pireami ruyériami nima echi raʼíchali kalabe. Echi winomí jitra natétiwa asambleas japi bikiá rawé ju, asambleas especiales alí internacionales.

Echi winomí japi napabúliwa echoná napawíliami japi bilé rawé rojorá, echi winomí jitra natétiwa japoná nima echi napawíliami, ralawá japi piri newalema echoná japoná napawima. Ma natetisa japi newaleli, echi congregaciones bilé circuito ripíwisa winomí echi ripíami néeliwa jiti omáana piréami ruyérami nima echi raʼíchali kalabé.