Pablo waʼlú matétara iyali Onorúami alí ku kanili

Japalí echi hermanos congregación Roma napawíami, ikíwili japi Pablo ma ku inari, jaré hermanos echomí simíali buwesia Pablo ku inárachi ubuchimi simíali 64 kilómetros (40 millas). ¿Chu nili Pablo jiti jaré hermanos miká jonsa sili narépasia ku nawáachi? Pablo ko kanilia, “walú natétara ʼyali Riosi. Ayénachó binói galá ku kaníili.” (Hch 28:15). Jiti echi Pablo nílampa japi iʼwérili iyá echi hermanos japi napawila congregaciones, echi Pablo ayénachó nakili japi iʼwérili iyabo jiti cárcel asali (2Co 13:10).

Jipi ayénachó echi hermanos circuito japi si congregaciones iʼwérili iyá echi hermanos. Isini kaachi, achó risiyá nili jiti we nocha, ke ma iʼwérisa nili alí siwea nili, japi riká sinéami tamujé. ¿Chúriká nokiboa jiti iʼwérili cho narema japi circuito ju? Jiti la japi ikika napawí sinéami ka nakúrisaré japalí nawáachi echi hermano circuito “aʼnagupi waminabi wabé kanílatabo” (Ro 1:11, 12).

• 

  Nawasa echi hermano circuito simabo nawisasia. Echi hermano circuito we kanili japalí echi hermanos napawisa alí simiba nawisasia echi yúa bilé tarali (1Te 1:2, 3; 2:20). ¿Ami nínali precursor auxiliar echi michá japalí nawasa echi hermano circuito? ¿Ami yúa machíinima echi hermano circuito, echi upila ma, jiti mi yúa simea binérisia? Ke mi jéanimea japi mi kulii jona bineri simí echi pagótami, japi me ke me machí ruyea japi aní echi Biblia, echi hermanos circuito ko sinéami publicadores yúa kanílima simiyá nawisasia.

• 

  Bitichí bayepo. ¿Ami bitichí bayérima jiti echoná ripima echi tarali? ¿Ami bayérima kowasia koʼwáami? Echi riká nokisaa ko néwariwélima japi a kanili jiti echi hermano circuito nawali. Echi hermanos ko we kanílika simea mujé bitélachi, ke me wiká winomí suwáwipo japalí mi bayé kowasia (Lu 10:38-42).

• 

  Aʼlá námipo busuré iyásiwa, né nokiboa japi ta aneliwa. Echi hermano circuito we kalé echi hermanos jiti kanílika nijéwami ju Jeobá. Isini kaachi echi hermano mi busuré iyámaré (1Co 5:1-5). Nijíyabo japalí busuré nijíachi, jiti kanílika inama Onorúami nóchilia (Heb 13:17).

• 

  Iyá matétarabá. Ané echi hermano circuito alí echi upila japi mi we kanili jiti we simárika raʼíchili alí mi kuʼírili. Echi riká ané echi hermano o oseli echoná tarjeta o bilé oselichi ma (Col 3:15).