Sinibí binéripo echi pagótami: Ma ke bineri, ke isisako japi mi bineri

CHÚSIÁ WE NATÉAMI JU. Jaré pagótami ko né bichíwali a binénali Biblia alí tani japi Jeobá iʼwírima (Ro 10:13, 14). Ke sinéami echi pagótami japi biné echi Biblia nokinali japi Jeobá aní. Jiti ta a ikíripo bineria echi pagótami japi a binénali, ata binérisaré echi pagótami japi a né bichíwali nokinali ko japi Jeobá aní. Echi binéami ke isísaká japi Jeobá aní, ma ke binéripo, simabo nalí binérisia japi Jeobá machí japi a bichíwali nokinali ko japi echi nulá, jiti si echi puéblowala nima (Jn 6:44). Echi binéami checho ku binénilisaká, a néwariwélitisaká japi a nijéwinali Jeobá ata che ku binérisaré japi aní echi Biblia (Hch 13:48).

CHÚRIKÁ MI ISIMA

• Jéané japi mi we kanili bineria echi Biblia (1Ti 2:4).

• Jéané japi we natéami ju japi isima japi aní Jeobá japi riká ma bineli echoná Biblia (Lu 6:46-49).

• We kanílika ruyé japi isili echi rijowi ichaami, nárili chúsiá ke isimí japi Jeobá aní (Mt 13:18-23).

• Ané chúsiá mi ma ke binérima echi Biblia.

• Ané japi mi isini bi kaachi raʼíchima o echi mi bitélachi simea alí japi mi ku binérima a bichíwali isísaká japi aní echi Biblia.

MA ANESA ECHI VIDEO, ANÍ JAPI MI NÁRIPORÉ JENAʼÍ:

• ¿Chúriká mi machimea japi echi binéami ke isimí japi biné?

• ¿Piri isili echi publicador echi binéami jiti machimea japi ke aʼlá ju japi isimí?

• ¿Piri ruyeli echi publicador jiti echi binéami checho ku binénilisaká piri isima?