Ata yúa napawipo japi Jeobá amígowala ju

¿Chúsiá yúa napawipo japi Jeobá amígowala ju? Jiti ta ke chati nokiboa (Pr 13:20). Nokiboa japi riká isili echi silíami Jehoás, echi ko aʼlá nijéwami nili Jeobá japalí yúa napawili echi sacerdote Jehoiadá (2Cr 24:2). Nalí ma mukusaa Jehoiadá, Jehoás cha nokáami yúa napawili alí ma ke nijéwili Jeobá (2Cr 24:17-19).

Bachá siglo, echi apóstol Pablo ko anili japi echi congregación ju japi riká bilé “walubé kalí” japi echoná nirú “vasos”. Japi riká echi vaso japi tuka bajíliwa japi ke chati maníami ju, echi riká cho ju japalí ta ke yúa napawí japi ke nijéwami ju Jeobá, chúkuré tamujé teémala ke o echi hermanos japi napawí echoná congregación ma (2Ti 2:20, 21, TNM). Jiti la we natéami ka japi ta olabo amigo japi Jeobá nijéwami ju, jiti echi ko a tamujé iʼwérili iyama jiti ta nijéwipo Jeobá.

INEPO ECHI VIDEO CHÚRIKÁ NOKIBOA JITI KE NAPAWIPO ECHI PAGÓTAMI CHA NOKÁAMI YÚA, ANÍ JAPI MI NÁRIPORÉ JENAʼÍ:

• ¿Chúriká ta napawíaré echi chati pagótami yúa japi ke nijewi Jeobá?

• Echi bikiá hermanos japi buyaní echoná video, ¿chúriká nokali jiti ma ke yúa napawima japi ke nijewi Jeobá?

• ¿Chu iyiri texto tamó kuʼírima jiti ta ke olaba amigos japi ke nijéwami ju Jeobá?