Jeobá ko sinibí newalama japalí ta we aʼlá noká

Japalí ta aʼláala nóchali noká, Jeobá ko sinibí natama. Japi riká echi wénwala we kanílika ku nata aʼlá namuti japi nokali chabé echi ranala, echi riká cho ju Jeobá; echi ayénachó kanílika newalá japalí ta aʼlá noká nijewia, japi ta we nakí Jeobá (Mt 6:20; Heb 6:10). Sinéami a machí wikaná niraa nocha, ke chopi riká ikíriami ju. Nalí ata iʼwérili nokisare jiti ta che minabi nóchilipo Jeobá, alí ti we kaníliami nipo (Gál 6:4; Col 3:23). Wiká bamíali simárili japalí jonsa wiká hermanos a bijí nokísimi nocha Betel. Mujé ru, ¿ami cho simínali Betel? Ke mi omeria ka, iʼwiri jarecho hermanos jiti a simama nochasia, ayénachó mi omeri iʼwiria mujé teémala jiti a bijí asimea nóchilia Jeobá echomí Betel.

INEPO ECHI VIDEO ¿PIRI MI ISÍSARÉ JITI MI SIMEA NOCHAMIA ECHOMÍ BETEL?, ANÍ JAPI MI NÁRIPORÉ JENAʼÍ:

• ¿Chúsiá ni simínali nochamia echomí Betel?

• ¿Chu aní jaré hermanos? ¿Piri namuti naré nochia Betel?

• ¿Piri mi isima jiti mi nochama echoná Betel?

• ¿Piri mi isísaré jiti mi iyaba echi solicitud jiti mi Betel simea?