Echi busuré japi nijí Jeobá newaré japi tamó nakí

12:5-7, 11

Japalí mi busurewa echi ko ju: japalí mi rikíriwa, raʼámiwa, binériwa alí ruyéliwa. Jeobá echi riká cho isimí japi riká bilé rijowi kúchuwami, a kanílika busurewi. Jipi rawé ¿chu riká ta naré echi busuré?

• Japalí ta leeri echi Biblia, japalí ta awénili biné, japalí ta napawí binea Jeobá jitra, japalí ta nata japi ta bineli.

• Japalí jarecho hermanos tamujé iyá busuré.

• Japalí ta risoa nili japalí ta ke aʼlá nokisaa.

• Japalí censura judicial niisa o expulsión ma.

• Japalí ta risoa ikí, Jeobá riwé japi ta echi riká ikiboa (w15-S 15/9 21 párr. 13; it-1-S 707, párr. 3).