“Suwaba echoʼná pachana wiʼyérali bakili” echi baʼwí

Ma chabé jonsa ju japi echi silíami isini aʼlá iwiri japi Jeobá nijéwami ju (Esd 6:1-12; Est 8:10-13). Ayénachó jipi echi riká noká echi japi wéala jáwami ju “echi kawí”—jenaʼí Wichimóbachi nirúami ibili echi silíami ke aʼlá noká— aʼlí echi “walubé baʼwí”, mapuyiri biléana bakochi, suwaba echoʼná pachana wiʼyérali bakili, echi ju japi isimí risoa olayá echi waʼlú sinowi, japi Satanás ju (Ap 12:16). Jeobá isimí iʼwiria jiti echi silíami nokimea isini kaachi iʼwiria hermanos japi Jeobá nijewi (Sl 68:20; Pr 21:1).

Mujé, ¿ami cárcel atí jiti mi Jeobá wichiwi? Natá, japi Jeobá mi tibúa atí (Gé 39:21-23; Sl 105:17-20). Jiti mi wichíwiami ju Jeobá echi ko siné rikáachi mi simá olama jiti mi aʼlá anáchiami ju. Ayénachó mi iwiri jarecho hermanos jiti nokimea japi riká mujé isimí nijewia Jeobá (Flp 1:12-14; Ap 2:10).

INEPO ECHI VIDEO ECHI HERMANOS JAPI COREANOS JU KU BUYANÍ PACHÁ CÁRCEL ERTA MOCHISA, ANÍ JAPI MI NÁRIPORÉ JENAʼÍ:

• ¿Chúsiá wiká bamíali erta mochili echi hermanos echomí Corea del Sur?

• ¿Chúsiá jaré tribunales ku machí awali hermanos japi pachá cárcel erta mochili?

• ¿Chúriká ti iwíripa echi hermanos japi Jeobá wichíwiami ju japi pachá cárcel erta muchuwi?

• ¿Piri ta nokisaré jiti tamujé ko ke pachá cárcel erta muchuwi?

• ¿Jepi ka ju japi matétara iyásaré japalí naúrisa echoná tribunales?