¿Piri ka ta biné kipúa echi canciones?

¿Chu yiri canciones we mi baʼóri japi nirú echoná JW Broadcasting^®? ¿Chúsiá? ¿Ami ko mayé japi echi videos musicales aní japi riká ta ikí jipi rawé? Jiti nirú sébali canciones, a nirúlima bilé japi mi we galema. Echi canciones alí echi videos musicales we simá ju kipúliwa nalí be ayénachó tamujé bineri namuti we natéami.

Suwaba echi canciones tamujé bineri jiti aʼlá pirélipo, ayénachó japalí ta simía nawesasia. Jaré ko raʼicha japi simá nokáami nipo jarecho yúa, japi napawika niraa nijéwipo Jeobá, raʼicha amigos jitra, japi ke majáami nipo, japi bichíwami nipo alí galéami nipo. Jarecho ko raʼicha japi ta riwesa ko Jeobá, checho ku mulíwipo, japi ta wikáwiami nísaré jarecho, sinibí nijéwami nipo alí bineri chúriká aminabi nóchilipa Jeobá. Ayénachó nirú bilé canción japi raʼicha chúriká aʼlá néepa echi celular. Mujé ru, ¿piri mi bineli kipusa echi canciones?

INEPO ECHI VIDEO MUSICAL MA MULIPI NIMA, ANÍ JAPI MI NÁRIPORÉ JENAʼÍ:

• ¿Piri ka namuti japi ikimea pe aminana natia muchuwi echi hermanos? (Gé 12:3).

• ¿Piri ka ti nokiboa jiti a bichíwipo japi né echi riká a ikimea japi Jeobá aní?

• ¿Jépuká ta ma ke ayó inéporé pe aminana mi?

• Machiyá japi Onorúami isima pe aminana mi, ¿chúriká iʼwiri jiti ta anachabo echi chati namuti japi ta ikí jipi rawé? (Ro 8:25).