Ke majaka nokiboa jiti ta ma kuwachimi rawé piré

CHÚSIÁ WE NATÉAMI JU. Jiti ma mulipi ikimea namuti we jilírami, ata néwariwélitipo japi ta ke majáami ju alí japi ta bichiwi Jeobá. Echi gran tribulación chotásima japalí suwábitami nisa echi religión japi ke bichíwali bineri (Mt 24:21; Ap 17:16, 17). Japalí echi riká nisa, ata nawisabo japi ke nijewi ko Jeobá suwábitami nima (Ap 16:21, TNM). Gog de Magog tamó sayérima (Eze 38:10-12, 14-16). Alí biché Jeobá ko isima suwabia jiti ma ke nirúlima nakówiliami (Ap 16:14, 16, TNM). Ata ke majáami nínalaká japi ikimea pe aminánami, ke ti majásaré echi namuti japi ikí jipi rawé.

CHÚRIKÁ NOKIBOA

• Ata nokisare echi namuti japi Jeobá galé (Is 5:20).

• Ata nijéwisaré Jeobá sinéami ka napawika (Heb 10:24, 25, TNM).

• Ata we sapú nijéwisaré japi tamó ané echi hermanos (Heb 13:17).

• Ata kilii niraa natásaré chúriká isila Jeobá chabé kuʼiria echi puéblowala (2Pe 2:9, TNM).

• Ata raʼichásaré Jeobá yúa alí ta bichíwisaré (Sl 112:7, 8).

INEPO ECHI VIDEO KITA MAJÁSARÉ ECHI NAMUTI JAPI MA MULIPI IKIMEA (FRAGMENTO), ANÍ JAPI MI NÁRIPORÉ JENAʼÍ:

• 

  ¿Chúriká néwariwélitili echi hermanos achi nijéwami ka japalí aneri japi simama biléana cho congregación?

• 

  ¿Chúsiá ta ke majáami nísaré jiti ta nijéwami nipo?

• 

  Japalí Armagedón kaachi, ¿chúsiá ta ke majásaré?

• 

  Japi riká aní echi Biblia, ¿piri ta biné japi chúriká isima Jeobá tamó iʼwiria? (2Cr 20:1-24).