CHUTI RIKÁ NOKIBOA JAPI RIKÁ CRISTO
Emi wéntami, binérisi emi kúchuwala jiti ke chati namuti ikimea
Jipi ta piré japoná echi pagótami we chati noká alí jéaní japi chati isiwa aʼlá ju alí japi aʼlá isiwa chati ju (Is 5:20). Jiti la, wiká pagótami noká japi Jeobá kichí japi riká boʼí rejoy chopi ka o mukí chopi ma. Echi kuuchi japoná simía escuela, a anémiré japi aboi noká japi chati ju jiti echi riká cho nokimea. Emi wéntami, ¿chu timí riká iʼwíripo emi kúchuwala jiti ke chati nokimea japi nokínilia nulewa?
Binérisi japi Jeobá nulá japi nokimea (Le 18:3). Jiti ochérisimi binérisi chu aniyá echi Biblia echi nasawíliami jitra (Dt 6:7). Nárisi: “¿Achi ni bineri nijé kúchuwala echi nasawíliami jitra? ¿Achi ni bineri nijé kúchuwala chu iyiri napacha, sipucha ma, ke aʼlá ju? ¿Achi machí nijé kúchuwala japi ke riwema japi jarecho cha olama? Alí, ¿chu isímalé japalí jaré riwírisa japi pornografía ju alí cha isínilia nulésiwa?”. Ma machisáaká aboni japi mi binérili ke risoa nilia pirélima (Pr 27:12; Ec 7:12). Japi mi riká isimí bineria mujé kúchuwala, newaré japi mi we nakí mujé kúchuwala japi Jeobá mi chiliweli (Sl 127:3).
INEPO ECHI VIDEO JÉANÍAMI A KUʼÍROPA APU RAMELI SI BETIA MUCHUI ANACHA: TIBUPA RAMELI RATANALA APU “KE SINÉ CHATI OLABO”, ANISÍ JAPI TI MI NÁRIPORÉ JENAʼÍ:
¿Chúsiá jaré wéntami ke raʼicha echi kuuchi yúa echi sexo jitra?
¿Chúsiá echi wéntami we aʼlá binérisaré echi kúchuwala japi riká Jeobá nulá? (Ef 6:4).
A aʼlá machisáaká, ke chati namuti ikimea.
¿Piri namuti iyali Jeobá echi wénwala jiti binérima echi kúchuwala? (w19.05-S 12).
¿Chúsiá we natéami ju japi echi wénwala aʼlá yúa raʼichama echi kuuchi aʼlá kecho oláachi problemas?