¿Piri ka ni isísaré jiti ni ma pakoma?
CHUTI RIKÁ NOKIBOA JAPI RIKÁ CRISTO
Nijewi Jeobá
¿Ami bijí towí ju, o ami binea atí echi Biblia? ¿Ami ma pakónili? ¿Chúsiá mi echi riká isínili? Japalí ta katúwika raʼicha Jeobá yúa alí ti ma pakosa, echalí jonsa we ti aʼlá amigos nipo Jeobá yúa alí ti niyúbitami nipo (Sl 91:1; 1Pe 3:21). ¿Piri ka mi isima kecho pakoa?
Ami machisare japi ne bichíwali ju. Ke mi aʼlá bichíwiaká, biné jiti mi aminabi machimea (Ro 12:2). ¿Ami ma riwé chati namuti isiá? Aʼlá namuti isí jiti mi we galé Jeobá (Pr 27:11; Ef 4:23, 24). Iʼwírili tani Jeobá, echi ko a mi iʼwírima echi espíritu santo jitra (1Pe 5:10, 11, TNM). We aʼlá ju ami iʼwera isísaká nijewia Jeobá. Japalí ta nóchiliami ju Jeobá, we ta kaníliami ju (Sl 16:11).
INEPO ECHI VIDEO JAPI ANÍ JAPI PAKÓNALI, ALÍ ANÍ JAPI MI NÁRIPORÉ JENAʼÍ:
¿Piri namuti ikili jaré hermanos kecho pakomia?
¿Piri mi isima jiti mi minabi aʼlá bichíwiami nima jiti mi katúwima Jeobá yúa?
¿Chúsiá iʼwérika nokali echi hermanos jiti pakoma?
¿Chúriká iʼwiri Jeobá japi a pakónali ko?
¿Piri ka aniwáami ju japalí bilé katúwika raʼicha Onorúami yúa alí pakó?