Jeobá ko tamó raʼami jiti tamujé galé

Japalí mi raʼámiwa ayénachó mi busuré iʼáliwa alí castigo, Jeobá ko tamó busurewi jiti ta nijéwipo japi riká echi nakí (Ro 12:1; Heb 12:10, 11). Isini kaachi japalí ta raʼámiwa ata risoa nili. Ata nijéwisaká japi ta raʼámitami nipo, Onorúami tamujé iʼwírima (Pr 10:7). ¿Piri isísaré japi busuré nijí alí echi japi raʼámiwa?

Japi busuré nijí. Echi ancianos, echi japi kúchuwami ju alí jarecho ko jiwérika noká raʼamia we aʼlá nitimáaká japi riká isimí Jeobá (Jer 46:28). Japalí mi busuré nijí, ami newalásaré japi mi nakí japi mi raʼami (Tit 1:13).

Japi raʼámiwa. Chu ku iyiri ke echi busuré japi ta iʼáliwi ata kanílika narepo echi busuré japi ta aneli alí sapuka nijéwipo (Pr 3:11, 12). Ata imperfectos ju sinéami ka, ata newalé japi ta busuré iyárami nipo. Ata narepo busuré japalí ta leeri echi Biblia, japi ta ipú echoná napawíliwachi alí isini kaachi ma echi ancianos comité judicial tamujé iyámiré busuré. Ata ipúsaká echi busuré alí nokiboa japi ta riká anéliwa jiti ta sinibí pirélipo (Pr 10:17).

INEPO ECHI VIDEO JEOBÁ “WE GALÁ BINÉRAGA RUYÉ SIʼNÉAMI [...] MAPU IKÍ BINÓI GALEKO”, ALÍ ANISÍ JAPI TI MI NÁRIPORÉ JENAʼÍ:

• 

  ¿Chu isili taa ka jona Canon, alí piri ikili?

• 

  ¿Chúriká raʼámali Jeobá echi Canon?

• 

  ¿Piri ta biné japi ikili Canon?