WE AʼLÁ BINÉRIAMI NIPO | KANÍLIKA BINÉRISI ECHI PAGÓTAMI
Natá chu nilia echi pagótami
Empatía ko ju japi ta natabo chu nilia echi pagótami, piri nata alí piri natéami niraa iné. Japalí ti iʼwiri jarecho a newaré japi ta nata chu nili echi pagótami. Ati echi riká nokisáaká japalí ta bineri ayénachó ti nokiboa japi riká Jeobá, jiti echi ko we galéami ju echi pagótami, alí echi pagótami a binénilima (Flp 2:4).
Ata newaré japi ta nata chu nili echi pagótami japalí ta we kanílika bineri, ayénachó japalí ti we aʼlá kipú alí ti raʼicha. Ati néwariwélitipo japalí ti we natéami niraa iné echi pagótami, japi echi galé, japi bichiwi, chúriká nilia bité, ati iʼwírisaré japi echi newalé, ayénachó ti busuré iyásaré. Japalí ta bineri echi pagótami alí a echi riká noká, ata we kanili.
INEPO ECHI VIDEO JEANÍAMI ATA KANÍLIAMI NIPO ATA BINÉRISAKÁ. SINIBÍ BINÉRIPO ECHI PAGÓTAMI: NATABO CHU NILIA ECHI PAGÓTAMI, ANISÍ JAPI TI MI NÁRIPORÉ JENAʼÍ:
¿Chu anili Rita japalí Coral ke sapú nawali?
Japalí Coral ke binénili, ¿chúriká néwariwélitili Rita japi a nátili chu nili?
Japalí ta néwariwéliti japi ta nata chu nili echi pagótami a machinálima Jeobá jitra.
¿Chu isili Rita japalí Coral anili japi ke kanili kariwea?