We mi kanílika bitélima: kulíwami oselí jiti mi binérima echi Biblia

¡We ti kanili jiti ta olá bilé kulíwami libro alí bilé kulíwami folleto jiti ta binéripo echi pagótami! Ati tani Jeobá japi tamó iʼwírima jiti ta aminabi binéripo echi pagótami (Mt 28:18-20, TNM; 1Co 3:6-9). ¿Chúriká néepo jepuná kulíwami oselí?

Japalí ti bineri jepuná oselí jitra, tamujé alí echi binéami ati raʼichabo, jiti ta ma ke che binéripo japi riká chabé. Jiti bela, jepuná ju japi mi isísaré japalí mi binérimalé:a

• Leeri japi aní echoná alí biné echi preguntas.

• Leeri echi textos japoná aní “Leérisi” alí iʼwiri echi binéami jiti machimea piri ka isima.

• Riwiri echi videos alí nari echi náriwami japi aní echoná oselí.

• Iʼwérika isí binea bilé binelíwami echi binéami yúa.

Japalí mi bineria iyena echi pagótami, iyá echi folleto jiti mi machimea achi binénala (iné echi recuadro “Japalí bachá animea, piri ta nokiboa japalí ti nijí echi folleto We mi kanílika bitélima” echoná página 16). Echi binéami ma sunísaká binea echi folleto alí a che binénalaká, iyá echi libro alí chotasi binea echoná binelíwami 4. Ma mi binérisaká bilé publicación jitra, jipi ko bineri echi libro jitra We mi kanílika bitélima. Mujé binoy mi machimea piri mi binelíwami chotásima bineria.

MA INESA ECHI VIDEO JÉRIWÉAMI WE MI AʼLÁ BINEMA ECHI BIBLIA, ANÍ JAPI TI MI NÁRIPORÉ JENAʼÍ:

• ¿Piri binema echi binéami echi kulíwami libro jitra?

• ¿Chúsiá mi riwírisaré jepuná video japi kulí binésimi?

• ¿Piri mi binérisaré echi binéami japi isísaré? (Iné echi recuadro “Japi mi binérima alí japi isísaré echi binéami” echoná página 16).