Jaré busuréliami japi ta aniboa japalí napawila jiti simabo nawisasia

Echi napawíliwachi japalí ta simía nawisasia, ayénachó we natéami ju japi riká jarecho napawíliwami, echi ko ju bilé chiliwéliami japi Jeobá tamó iyá jiti ta echi riká aboi iʼwérili iyabo anakupi niraa (Heb 10:24, 25). Suwaba echi napawíliwami japalí ta simía nawisasia, japi riká kumi simabo, jepi yúa alí echi oración, rojorásaré 5 o 7 minutos. Echalí ne kulí sunísaká bilé napawíliwami pe teili bi rojorásaré. Echi hermano japi nawisama echalí ruyema jaré namuti japi we aʼlá iʼwírima echi hermanos. Echalí sábado japalí wiká hermanos simía nawisasia japi ke machínali lunes a viernes ku newalárisaré japi animea. ¿Piri si auché jaré namuti we aʼlá ju japi animea?

• Japi ta aniboa japalí ta nawisasia simía japi chukú echoná Oselí japi binepo echoná napawíliwachi Nokiboa japi riká isili Cristo.

• Chúriká néepo echi noticia o japi ikili jiti raʼichabo echi pagótami yúa echi Biblia jitra.

• Echi pagótami ke binénilisa ¿piri mi anema?

• Piri mi anema bilé japi ke bichiwi Onorúami, japi bichiwi evolución, alí japi bilecho riká raʼicha o japi bichiwi jarecho religión.

• Chúriká néepo echi página internet jw.org, echi aplicación JW Library^® alí echi Biblia.

• Chúriká mi néema echi oselí alí video japi mi muchuwasa simí nawisasia.

• Chúriká ti nawisabo teléfono néeka, carta, japoná wiká pagótami nirú, revisitas alí japalí ta bineri echi Biblia jitra.

• Chúriká ti aʼlá tibuka nokiboa, raʼichabo echi pagótami yúa japi machinali, simá nokáami nipo alí simárika raʼichabo.

• Bilé binelíwami o bilé video ma japi chukú echoná folleto We aʼlá leéripo alí we aʼlá binéripo.

• Chúriká iʼwíripo alí iʼwérili iyabo echi japi tamó yúa simí nawisasia.

• Ruyé bilé namuti jiti kanila simea nawisasia o ruyé bilé texto.