¿Piri jarecho namuti a omero nokayá echi hermanas?

Echi hermanas ko iʼwérili noká nóchilia Jeobá (Sl 68:11). Echi hermanas ju japi wiká pagótami bineri echi Biblia jitra alí wikabéala precursores regulares hermanas ju. Wiká miles ju echi hermanas japi iʼwérili noká nocha japi riká betelitas, misioneras, voluntarias o siervas de construcción alí traductoras. Ayénachó nirú hermanas japi we machíami ju, japi we aʼlá iʼwiri echi téemala alí congregaciones (Pr 14:1). Tákoré echi hermanas ke omero niya ancianos alí nakúurami, a omero nokayá jarecho namuti. ¿Chu iyiri ju jarecho namuti japi omero nokayá echi hermanas jiti nóchilima Jeobá?

• Iʼwérili nokisáré simárika nokáami niya japi riká aní echi Biblia (1Ti 3:11; 1Pe 3:3-6).

• Iʼwiria jarecho hermanas japi newalé (Tit 2:3-5).

• Aminabi iʼwérili nokisáré nawesa alí biné chúriká we aʼlá nawisama.

• Binea jarecho idioma.

• Simiyá japoná pe okuabi publicadores nirú.

• Tania solicitud jiti Betel nochama, niwayá kalí alí iʼwiria ku atewia.

• Tania solicitud jiti simea Escuela japi biné echi Nawésami Raʼíchali Kalabé.

INEPO ECHI VIDEO UMUKÍ JAPI IʼWÉRILI NOKÁ NÓCHILIA ONORÚAMI, ALÍ ANISÍ JAPI TI MI NÁRIPORÉ JENAʼÍ:

• ¿Chúriká mi iʼwérili iyali japi nokali echi hermanas?