¿Jépuká ju mujé amígowala echoná internet?

Bilé amigo ko ju japi ta we galé alí we natéami niraa ineni. Jonatán alí David amígowala nili japalí David miʼali Goliat (1Sa 18:1). Okuánika echi aʼlá ineli japi chu iyiri nili echi biléala, jiti la we aʼlá amigos nili. Ati olánalaká bilé we aʼlá amigo, ati iʼwérili nokisáré we aʼlá machiyá echi. Echoná redes sociales ami omero olayá wiká amigos, pe bilepi clic mi rachinásaká. Nalí, echoná internet wiká pagótami ke bichíwali aní jépuká ju echi alí chu nokáami ju. Jiti la, ti we aʼlá machisáré jépuká nima tamujé amígowala echoná internet. Ke mi majaka anésaré bilé japi mi ke machí japi mi ke nínali echi amígowala tákoré iyosa. Jiti nirú wiká chati namuti jaré ko ke olánali echi redes sociales. Nalí, ami olánalaká bilé red social, ¿piri mi machisáré?

MA INESA ECHI VIDEO AʼLÁ MACHIKÁ INÉ ECHI REDES SOCIALES, ANISÍ JAPI TI MI NÁRIPORÉ JENAʼÍ:

• 

  ¿Piri mi bachá natásaré kecho osayá alí uchayá fotos?

• 

  ¿Chúsiá mi we aʼlá tibúsaré chu iyiri amigos mi olá echoná internet?

• 

  ¿Chúsiá ke mi wilí isísaré néea echi redes sociales? (Ef 5:15, 16).