Nee jw.org jiti mi riwimea aʼlá busuréliami

Echi Onorúami Raʼicháala tamó ruyé japi chúriká anachabo echi chati namuti japi ikísimi ne jubá rawé chéami (2Ti 3:1, 16, 17). Isini kaachi ko ke ti newalá echi busuréliami japi nirú echoná Bíbliachi japi tamo iʼwírima japalí ti ikí namuti jilírami. Japi riká, ¿ami newalé japi mi iʼwírima weelia mujé kúchuwala? ¿Achi mi we risoa nili jiti mukuli mujé kunala o mujé upila ma? Mujé remalí, ¿achi mi isini kaachi ma ke bichiwia nili Onorúami? Ami ikiyáaká jepuná namuti, echoná jw.org ami riwimea jaré artículos japi mi iʼwírima (Pr 2:3-6).

Bakí echoná página internet jw.org alí japoná aní “Japi aní echi Biblia” alí chapí echi tema japi mi machinali (iné dibujo 1). O bakí japoná aní “Oselí japi nirú”, alí miná ko “Jarecho oselí japi nirú” alí chapí echi tema japi mi machinali (iné dibujo 2). Echoná JW Library^®a ayénachó mi riwimea echi, iné echi artículos japi nirú echoná. Ayénachó mi omero osayá echi raʼíchali japi mi machinali japoná aní “Aa” (o japoná chukú lupita echoná página internet jw.org).

Osá echi tema japoná chukú lupita alí osá japi mi leérinali, japi riká:

• Kúchuwala

• Remalí

• Japalí bilé mukusaa