Jeobá ko nakí japi niwí ko sinibí napawika pirélima

Echi niwíkami japi nijewi ko japi aní echi Biblia, we kaníliami ju alí newa noká japi Jeobá we aʼlá busuréliami nijí (Mr 10:9). Japalí bilé cristiano nijewi echi busuréliami japi nirú echoná Biblia japi aní jépuká yúa niwima, echi iʼwírima japalí ma niwisa jiti we kanila alí napawika pirélima.

Nalí, kiti iyeni bilé yúa japi riká novios japalí mi bijí remalí ju, ¿chúsiá? Jiti echalí ko ke mi cho aʼlá nátami ju alí we mi inili bilé yúa boʼinalia (1Co 7:36). Nalí jipi, japalí mi bineli atí, iʼwérili isí we aʼlá Jeobá amígowala niya, ami echi riká isísaká jepuná mi iʼwírima jiti mi we simá isíami nima. Alí echi riká pe aminana we mi aʼlá upila nima o kunala.

Ma mi nátiaaká jepi mi yúa niwima, bachá we aʼlá machí japi chu iyiri ju echi mukí o rijoi ma (1Pe 3:4). Echi tiwé o echi rijoi japi mi yúa niwima isísaká jaré namuti japi mi ke aʼlá niraa, echi yúa raʼichá. We natéami ju japi sinéami natama piri namuti nijima alí ke ko japi narema (Flp 2:3, 4). Ami nijéwisaká echi busuréliami japi nirú echoná Biblia jipi japalí mi bineli atí, pe aminana japalí mi ma niwisa, ma mi ke me jilí nirama nijewia alí echi riká we timí kaníliami nima.

INEPO ECHI VIDEO PIRI NATÁSARÉ JAPI NIWÍNALI. PARTE 3: NATÁ “CHU KIPU SUWÁBAMILÉ [...] KALÍ NIWAYÁ”, ALÍ ANISÍ JAPI TI MI NÁRIPORÉ JENAʼÍ:

• ¿Chúriká aboi machísili echi hermana alí Shane?

• Nalí pe aminana, ¿piri namuti ineli echi hermana japi isimí Shane?

• ¿Chúriká nokali echi wénwala iʼwírimia echi ranala, alí piri namuti aʼlá isili echi hermana?