CHUTI RIKÁ NOKIBOA JAPI RIKÁ CRISTO
Aʼlá biné japi nata Jeobá
Ati nakiyáaká japi Jeobá kanílima tamujé yúa ati aʼlá machisáré piri nata Jeobá echi namuti jitra japi ta nokinali, nalí isini kaachi jilí ju jiti ke nirú bilé nulalíwami japi aní piri ta nokisáré (Pr 27:11). ¿Piri tamó iʼwírima machiyá piri nata Jeobá?
Ati binésaré japi aní echi Biblia sinibí rawé. Ati leérisaká echi Biblia, ati aminabi we aʼlá machiboa Jeobá. Japalí ti biné echoná Biblia chúriká nili Jeobá echi puéblowala yúa alí ti leeri echi pagótami jitra japi aʼláala nili o cha nokáami nili, jepuná tamó iʼwírima machiyá piri nata Jeobá. Echi riká kecho nokimeya bilé namuti, echi espíritu santo tamujé iʼwírima ku néwalayá japi ta bineli (Jn 14:26).
We aʼlá biné japi mi machinali. Kecho isimia bilé namuti, nárika isí: “¿Chu iyiri versículos o ejemplos japi uchuwi echoná Biblia, tamí iʼwírima machiyá piri nata Jeobá echi namuti jitra?”. Jiti mi machimea chu iyiri busuréliami mi iʼwírima machiyá japi mi isima, tani Jeobá japi mi iʼwírima alí biné japi mi jitra machinali néeka echi oselí japi nirú (Sl 25:4).
INEPO ECHI VIDEO AMINABI A MAKÁ, KE RISII: KOKEBA KOʼWÁAMI APU A RAMELI KIʼWIMILA, ALÍ ANISÍ JAPI TI MI NÁRIPORÉ JENAʼÍ:
Echi tiwé japi machina echoná video, ¿piri namuti aneri japi echi we jilí nirali?
Echi namuti japi nirú jiti ta che binepo, ¿chúriká mi iʼwírima japalí mi echi riká cho ikisaa?
Ke ti cho nokiyá bilé namuti, ¿chúsiá we natéami ju japi ta bachá aʼlá binepo echi namuti jitra? (Heb 5:13, 14).