Natá piri namuti mi isima Conmemoración kaachi

Echi japi Jeobá nijéwami ju, we natéami niraa iné japalí sea echi Conmemoración. Kecho séachi alí ma simírisa echi Conmemoración, ati iʼwérili noká raʼichia jarecho Jeobá jitra, ayénachó ati matétara iyá Jeobá jiti júali Jesús jiti mukumea tamujé jitra (Ef 1:3, 7). Japi riká, ati iʼwérili noká bayea jarecho jiti simama Conmemoración. Jarecho hermanos ko precursores auxiliares ju echi mechá marzo alí abril japalí nawesa 30 o 50 horas ma. ¿Achi mi che we nawisánali japalí Conmemoración nisa? ¿Piri mi isísaré?

Ati aʼlá natásaká japi ta nokiboa ata oméripa nokayá wiká namuti (Pr 21:5). Echi Conmemoración ma mulipi nima, jiti bela jipi jonsa mi natásaré chu iyiri namuti ju japi mi isínali alí chúriká mi isima. Ayénachó tani Jeobá japi mi iʼwírima echi riká isiá (1Jn 5:14, 15).

¿Ami nata jarecho namuti japi mi omérima isiá Conmemoración kaachi?