Japi mi omeri binea mujé bineli niraa o mujé téemala yúa

Ati napawika biné Jeobá jitra wiká hermanos yúa echoná napawíliwachi alí echoná waʼlú napawíliwachi. Nalí ayénachó ti echi riká noká ibili niraa alí tamujé téemala yúa. Jenaʼí nirú jaré namuti japi mi omeri isiá japalí mi bineli niraa biné alí mujé téemala yúa:

• We aʼlá binepo japi binéporé echoná napawíliwachi. Napawika wikarabo echi canciones japi ta wikaráboré alí binepo japi aniboa echoná napawíliwachi.

• Leéripo bilé historia japi chukú echoná Biblia. Miná ko ati omeri niwayá bilé dibujo o ayénachó osayá echi namuti japi ta bineli.

• Binepo bilé echi oraciones japi niwali bilé pagótami japi jitra raʼicha echi Biblia. Natabo chúriká tamó iʼwírima jiti we aʼlárika nokiboa raʼichia Jeobá yúa.

• Inepo bilé video japi chukú echoná jw.org. Miná ko raʼichabo japi ta bineli tamujé téemala yúa o ayénachó osiboa japi ta baʼórili.

• Aʼlárika binepo japi ta aniboa japalí ta nawisasia simía. Nokiboa japi riká ko ti ma nawesia jaria alí natabo japi ta aniboa.

• Inepo echi namuti japi Jeobá niwali alí natabo piri ta biné Jeobá jitra. A tamujé téemala mochísaká, raʼichabo echi namuti we natéami jitra japi ta bineli.a