Piri ti nokiboa japalí ti cha olárami ju

Leeri Génesis 37:23-28; 39:17-23 jiti mi machimea piri namuti chati anáchili José.

Biné echi textos japi upaka uchuwi alí bachami. ¿Chúsiá José cha olárami nili? (Gén. 37:3-11; 39:1, 6-10). ¿Chu kilí echi riká ikili? (Gén. 37:2; 41:46). Echalí, ¿piri isili Jeobá iʼwírimia José, alí piri ke isili? (Gén. 39:2, 21; w23.01-S 17 párr. 13).

Aminabi we aʼlá biné echi jitra japi mi leeri. Echi Biblia ke aní achi José ku nimili japalí echi Potifar upila ikaleka anili echi jitra. Echi ke nimílaká, ¿chúsiá echi riká isíliré? (Ayénachó iné japi aní Proverbios 20:2 alí Hechos 21:37). ¿Chúsiá echi Biblia ke ne sinibí suwaba aʼlá ruyé bilé namuti jitra? (Ayénachó iné japi aní Juan 21:25). ¿Chu iyiri cualidades iʼwíriliré José jiti anachama japalí cha olárami nili? (Miq. 7:7; Luc. 14:11; Sant. 1:2, 3).

Natá echi namuti japi mi biné. Nárika isí:

• “¿Piri namuti a keʼré japi ni olárami nima jiti ni Jesús discípulowala ju?” (Luc. 21:12, 16, 17; Heb. 10:33, 34).

• “¿Piri namuti tamí iʼwírima jipi jiti ni anachama japalí ni cha olárami nisa?” (Sal. 62:7, 8; 105:17-19; w19.07-S 2-7).