“Wikabé ketasi bichíi Riosi”

Jiti ta kanílitipo Jeobá, ata we bichíwisaré echi. Nalí echoná Biblia aní japi “wikabé ketasi bichíi Riosi” (2 Tes. 3:2). Japalí echi apóstol Pablo echi riká anili, echi ko raʼíchili echi sayérala jitra, echi “wabé chati sitíi oláami rijói, we kichíami”. Nalí japi echi anili ayénachó ruyá anili jarecho pagótami japi ke bichíyami ju. Japi riká, jaré ko ke bichí japi a bité bilé Onorúami japi niwali suwaba echi namuti (Rom. 1:20). Jarecho ko bi mayé japi a nirú bilé japi walubéala ju echi pagótami yúa. Nalí jepuná ko ke aniwáami ju japi ne bichíwali bichíyami ju.

Jiti ta kanílitipo Jeobá, ata we aʼlá bichíwisaré japi echi ko a bité alí japi iyá namuti aʼláala echi pagótami japi we bichíyami ju (Heb. 11:6). Echi espíritu santo tamó iʼwiri jiti ta bichíyami nipo, jiti la ati tánisaré Jeobá (Lucas 11:9, 10, 13). Ayénachó Jeobá néeli echi espíritu santo jiti osimea echi Biblia, jiti la we natéami ju japi ta leéripo alí nokiboa japi riká aní echoná. Echi riká ti nokisáaká, echi espíritu santo tamó iʼwírima we bichíyami niya alí kanílitia Jeobá.