Checho ku natá echi namuti we natéami japi mi ma bineli

¿Ami jilí niraa néwalayá japi mi kulí bineli? Sinéami tamujé echi riká ikí isini kaachi. ¿Piri tamó iʼwírima? Checho ku natia echi namuti we natéami japi ta ma bineli.

Japalí mi binea asisaa, iʼwérili isí natia echi namuti we natéami japi mi binea atí. Jepuná ko ju japi echi apóstol Pablo aneli echi hermanos alí hermanas japi binea mochili echi carta japi osélili. Echi ko aneli: “Mapurigá tamujeta ma osogá anili, jeʼná chopi waminabi walubéala ju” (Heb. 8:1). Echi riká iʼwírili echi jiti we aʼlá inámima japi ruyeli alí chúriká suwaba japi anili chopi iyiri namuti ruyeli.

Japalí mi binea asisaa, ami ikírisaré natia echi namuti we natéami jitra japi mi bineli, a keʼré 10 minutos bi kecho sunía. Ke mi néwalayáaká, checho ku leeri echi subtítulos o echi bachá raʼíchali ibili párrafo. Japalí mi binesa kulíwami namuti, iʼwérili isí ruyea japi riká mujé binoy raʼicha. Checho ku natia echi namuti we natéami japi mi bineli, mi iʼwírima jiti mi sinibí newalama alí ayénachó jiti mi isima japi riká mi ma bineli.